FRIGIDA Lavatio

FRIGIDA Lavatio

sive λουτρὸν, locus erat Balneorum apud Vett. in quo frigidae aquae lavacra, et praesertim piscina, alias Baptisterium a Plin. iun. vocata, pro nationis usu ab Auctoribus citata, posita erant: tum ob eos, qui omni tempore illam prosequebantur, sive ob valetudinem, sive ob delitias: qualis Alexander Seu. quem rarissime in Calidariis, fere semper in piscinis lavisse, scribit Lamprid. tum ob aestatem, quâ similis lavatio grata est. De eius usu plura apud Oribas. Collect. l 10. Idem, quem modo laudavimus, Lamprid. Heliogabalum numquam in piscinis se lavari passum esse, nisi illae oroco aliisve pretiosis unguentis fuissent infectae, memorat. Ab ea aberat Frigidarium, locus alter eorum in gratiam fabricatus, qui statim, post egressum Tepidarii aut Calidarii, frigido aere frui avebant: nequeve enim aquae ibi vasa reperiebantur (quemadmodum in Frigida Lavatione) ut eo plures aestate ibi convenite possent. Quamvis et in hac parte fieri potest, ut loturi quoqueve exuerentur, tum quia Apodyterium communis pro exercitatoribus spoliandis locus non parum inde distabat, adeo ut denudatis ibi per Ephebeum, Frigidam Lavationem et reliqua loca transire necesse esset; tum, quia probabile est, in Ephebeo homines saepius convenire consuevisse, a quibus loturos haud quaquam nudos conspici honestum erat. Ad quae evitanda in Frigidario se exuere potuêrunt, eo magis, quod Varro et Plin. testantur, tam in urbibus, quam ruri Apodyterium quoqueve balnei partem fuisse. Referri eodem potest Cic. illud, Α᾿ποδυτηρίῳ nihil alsius, sed de hoc vide plura supra. Etiam sudores in Frigidario detergi consuevisse, discimus ex Galeno Methodi l. 10. Erat autem Frigidario adnexum Tepidarium, uti docet Hieron. Mercurial. de Arte Gymn. l. 1. c. 10. In Palaestris vero Frigidarium prope Elaeothesium fuit, ab eoqueve iret in propnigeum, in versura porticus: proximaeque introrsus, e regione Frigidarii concamerata sudatio longitudine maiori quam latitudine etc. Idem c. 6.